Alédome de que na Galiza comecen a existir iniciativas tan interesantes no panorama editorial como a de
Rinoceronte Editora e
Ediciós da Rotonda. Achegar a cultura en galego e gratis pola rede é un bo sinal, e dende logo, unha satisfacción para os amantes da lectura.
Rinoceronte Editora pon ó servizo do internauta para que descargue de balde o fermoso libro
O condutor de autobús que quería ser Deus, de Etgar Keret. Para ir ó libro preme
aquí.
Ediciós da Rotonda achéganos a novela
O home inédito, de Carlos G. Meixide. A novela vai xa pola súa 2ª edición. Para ir ó libro preme
aquí.
Que vos aproveite a lectura e que se repita esta culturizante iniciativa.
Actualización: Pois repetiuse outra vez da man de Rinoceronte Editora, quen deixa á nosa disposición a descarga de
Anxos do Universo, de Einar Már Gudmundsson. Para ir ó libro preme
aquí.
O pasado 6 de decembro, de madrugada, a Galipedia acadaba a notable cifra de 20.000 artigos. O artigo que levou a honra de ser o número vinte mil foi o dun tal Shotta (meu irmán, que sabe de rap, saberá quen é). Eu tamén debo andar preto de chegar a facer 200 artigos.
Hoxe atopei unha páxina moi interesante: Dejaboo.net. Nesta páxina o que se trata é de opinar sobre filmes, libros, música, teatro, ópera, programas de televisión, etcétera. Eu xa me rexistrei e, aínda que todavía está en beta, xa conta con case 2000 reseñas, que poden conter, á súa vez, opinións doutros usuarios expresando a súa conformidade ou disconformidade coa reseña.
Vía Blog de cine e Tv en Red, atopo unha páxina de onde descargar legalmente (aínda que eso non é o importante) centos de filmes, documentais, debuxos animados, concertos e incluso filmes educativos. Eu xa descarguei o concerto de System of a Down e teño en proceso o de Dream Theater o de Iron Maiden e os filmes do Acorazado Potemkin e Un chien andalou. E máis que descargarei. Que vos aproveite a ligazón.
Alédome de que na Galiza comecen a existir iniciativas tan interesantes no panorama editorial como a de Rinoceronte Editora e Ediciós da Rotonda. Achegar a cultura en galego e gratis pola rede é un bo sinal, e dende logo, unha satisfacción para os amantes da lectura.
Rinoceronte Editora pon ó servizo do internauta para que descargue de balde o fermoso libro O condutor de autobús que quería ser Deus, de Etgar Keret. Para ir ó libro preme aquí.
