Maltratadores e asasinos de animais

Seguro que nas vosas clases de filosofía repetíronvos unha e mil e veces a diferenza entre o ser humano e os animais: "O ser humano é un animal racional". Pois como sempre, hai excepcións.

O tema do que escribo hoxe vén incitado por una noticia que hoxe aparece no telexornal da galega: Un home apalea ós seus dous cans en Ribeira. O caso é que un veciño grabouno en vídeo no ano 2004. O maltratador dos cans (dos que un morreu ó mes seguinte a causa da malleira) fíxolle a vida imposible ó que grabou as agresións, chegándolle a envelenar un can seu. Tras este incidente o veciño decidiu amosar o video, chegando ás nosas pantallas hoxe. O desquiciado mental que lle deu a malleira ós animais ten sorte de vivir en Ribeira, porque creo que se vivira noutro sitio quen tiña unha malleira enriba era el. O caso é que non é un suceso aillado o maltrato ós animais en Galicia, e menos aínda o abandono deles.

Como todos sabemos os cans non son os únicos afectados do lado maquiavélico da mente humana. E para amosalo porei dous exemplos de sona mundial.

- A matanza de focas en Canadá que sucede anualmente. Basicamente consiste en que cada ano van a Canadá uns cazadores que queren a pel das focas. Como os buratos de bala baixan o prezo da pel o que lles fan é que cun pico danlles ben forte na cabeza e déixanas morrer desangradas nunha longa agonía.
Para ampliar información do tema mirade a opinión de Greenpeace, a noticia que se repite cada ano ou unha galería de fotos dende a chegada dos cazadores ata que marchan.

- Outro exemplo é a mutilación de quenllas. Consiste en que os pescadores remolcan ás quenllas ó barco, córtanlles as aletas e logo bótanas ó mar todavía vivas para que morran desangradas. Esta práctica é tan común que moitas especies de quenllas xa están seriamente ameazadas.

Para esto lle serve a algún ser un animal racional.

Actualización: Respecto ó maltratador dos cans de Ribeira, hoxe miro na galega que un numeroso grupo de persoas acudiron a apoiar ó maltratador e a insultar e ameazar ó denunciante. Neste tema dicir que o denunciante ten, no que escribe este blog, un apoio incondicional. E merda para os que apoian ós maltratadores.
Outro blog comenta tamén esta noticia.